Ongi etorri gure blogera!

Bihotzak garunak baino 5.000 aldiz frekuentzia handiagoa igortzen dio gorputzari. Hori diote ikerketek eta baita geure esperientziak ere. Taupada bakoitzaren indarrak eta erritmoak gure emozio eta sentimentuetaz ohartarazten die gure organismoko zelula guztiei. Gainera bihotzak neurona sare garrantzitsu bat duela ere ikusi da. Informazio honi esker sistema osoak bat eginda lan egin dezake.

Donostian eta Zestoan lan egin ostean, neure lekua behar nuela sentitzen nuen. Neure lan egiteko modua errespetatuz, bezeroaren beharrak errespetatuz eta guzti hori espazio eroso eta goxo batetan. Modu horretan neure gabinetea irekitzearen ideia indarra hartzen joan zen eta urte batzuk geroago, ideiak eta ametsak errealitate bihurtu dira.

Maiz galdetu izan diot ene buruari historian zehar izan diren gizaki estresatu eta lanpetuenak ez ote garen. Munduaren alde honetan behintzat.  Beharbada ez da hain egia gure gizarte hau aurrekoak baino askoz aurreratuago edo hobea denik. Ez alderdi guztietan behintzat.